सोलापूर (प्रतिनिधी) : एकीकडे रेल्वेमंत्री सुरेश प्रभू आणि रेल्वे प्रशासन कात टाकत असतानाच दुसरीकडे सोलापूर रेल्वे प्रशासनाचे उच्चपदस्थ अधिकारी मात्र मोबाईल हाताळण्यात मग्न आहेत. हे अधिकारी मोबाईल हाताळण्यात इतके मग्न झाले होते की त्यांना आपल्या समोर खासदार बसलेत याचेही भान राहिले नाही. त्यामुळे खासदार चांगलेच संतापले. सोलापुरकरांच्या विविध समस्यांचा आढावा घेण्यासाठी खासदार शरद बनसोडे मध्य रेल्वेच्या सोलापूर विभागाचे व्यवस्थापक अजेयकुमार दुबे यांच्या कार्यालयात गेले होते. यावेळी खासदार शरद बनसोडे यांना दुबे यांनी खुर्ची तर दिली खरी मात्र जवळपास 15 मिनिटे ते मोबाईलच पाहत राहिले. त्यामुळे लाखो लोकांचे प्रतिनिधित्व करणार्या खासदारांना बोलायलाही रेल्वे अधिकार्यांकडे वेळ नव्हता. अखेरीस खासदार साहेबांनीच अधिकार्यांना सांगितले की ‘साहेब मोबाईल ठेवा आणि इकडे लक्ष द्या.’ त्यानंतर हे अधिकारी जागे झाले. मात्र खासदारांचा असा अवमान करणार्या अधिकार्यांवर रेल्वे मंत्रालय आणि प्रशासन काय कारवाई करणार हे पाहणं महत्वाचं ठरणारं आहे.
हे ही अवश्य वाचा
-
‘निवडणूक ही शेवटी क्रिकेटची मॅच’
होय, भारतीय राज्यघटनेचे शिल्पकार डॉ. बाबासाहेब आंबेडकर हे स्वतंत्र भारताच्या पहिल्या निवडणुकीत पराभूत झाले होते. त्यांचा... -
काँग्रेसवालेच सांगताहेत, आम्हाला मत नको!
नुकतंच एक व्यंगचित्र चर्चेत आलं. एका वृत्तवाहिनीवरील राजकीय चर्चेत जाहिरातीसाठीचा ब्रेक होतो. 30 सेकंदाच्या ब्रेकनंतर निवेदक... -
मामुली लोक काय बिघडवणार?
स्वर्गीय विलासराव देशमुख हे महाराष्ट्राच्या, देशाच्या राजकारणातलं एक मोठं प्रस्थ. अत्यंत सुसंस्कृत, प्रगल्भ आणि लोकहितदक्ष नेते...